Home
Su

 

 

 

dyonis1-home.jpg (40622 byte)

poesia di  Carmelo PRINCIOTTA

la stanza di Carmelo PRINCIOTTA__la stanza di Carmelo PRINCIOTTA__la stanza di Carmelo PRINCIOTTA__la stanza di Carmelo PRINCIOTTA__

Princiotta Carmelo

Librizzi Pippo

Cangemi Joe

Gammeri Pippo 

Mazzù Nino

Natoli Vito

Pizzino Maria

Valenti Rocco

Armeli Gino

 

Psicosomatica

(‘a cunfirenza)

 

Princiotta Carmelo

Luciano Budigna

Mariagrazia Di Stasi

Arcodia Pasqualino

*

*

*

*

*

 

Un pezzu i prufissuri,

i chiddi veri,

nta na sala di lussu truniava

a un uditorio sceltu di liuni 1

(signuri siriusi,

donni liganti, beddi e ngiojellati)

chi pi tiniri a bada a malatia

basta teniri ‘a menti in allegria.

 

E chistu no tantu pi parrari..

ma cu dati di scienza beddi a manu!

 

Non c’è batteriu, né frevi, né nfizioni:

è sulu i PDI 2 la custioni.

 

Non sunnu fissarii:

è muderna grammatica,

in midicina ditta:

psi-co-so-matica!

 

Parrava giustu npunta di bruccetta,

facunnu,

tuttu lu munnu avria pirsuasu,

quannu, da strata dda vicinu,

pi puru casu,

jucannu, na maniata di carusi,

pi sbagghiu cci sparò ‘na pallunata.

 

U tiru, pi disgrazia, fu precisu

e nchinu u pigghiò drittu nto visu.

 

- Ah scialaratu, figghiu di bajana,

a facci mi spasciasti, pi Satàna.

 

Vidennu a chiddu, russu, vuciari,

na signura liganti nprima fila

lluccuta addumannò:

- e li pinseri allegri.. prufissuri?

 

E chiddu cu na brutta taliata:

- cunfirmu sana sana a me parlata,

ma no cu ‘sta gran sotta ‘i pallunata!

 

  1 Lions club

  2 Pensieri Dispiaceri Incavolature

 

cultura@dyoniso7outline.com

carmelo.princiotta@tin.it

lunedì 20 aprile 2015                  scrivi a: webmaster@dyoniso7outline.com        Sicilyland.it