UN MISI DOPU L'AUTRU
Cu jnnaru cimuncia l'annu novu
e tutti sperunu ca porti boni
novi.
'Ufriddu c'è sempri, l'acqua e u
ventu puru,
ma 'u focu d'un braceri e chiddu di
lu cori,
t'aiutunu a jri avanti, puru si
dintra mori.
Frivaru è 'u chiù curyu e
friddulusu,
ma porta a cuntintizza e l'alligria:
basta 'na maschira pi'
cummigghiari a faccia
e tutti ni scurdamu i mali cu
'sta festa pazza.
Marzu è lu misi chi ridi e cianci
picchì lu suli cu l'acqua i jorni
scancia.
Cuminciunu a sbucciari i primi
ciuri
e i picciotti su' pronti pi' autri
amuri.
Quannu arriva Aprili,
u munnu attornu a tè cancia 'i
culuri,
arriva a Primavera e risorgi
Nostru Signuri.
Maggio è lu misi di li milli rosi
e chiddi ca su' ziti si fannu
prestu sposi.
I scecchi ragghiunu sempri cchiù
forti,
lanciannu lu richiamu a la
consorti.
Giugnu è lu misi caru a lu
studenti,
picchì, finalmente, posa i libri
pi' fari nenti.
A Luglio e Agostu 'u suli spacca 'i
petri,
sciusciti quantu vo', nun concia
nenti,
'u suduri scinni sempri, tutti li
mumenti.
Settembri è u misi giustu p'assapurari
'u nostru mari,
è quasi sempri calmu, trasparenti
e variu,
a spiaggia cchiù pulita e a rina
fina,
t'iunvitunu a 'na pinnica
supraffina.
A Ottobri c'è a festa da nostra
Madonnuzza
chi scinni da ddu munti assemi a li
divoti,
a fera 'i boi, ormai, è un ricordu
assai luntanu,
viteddi e sciccareddi, a la marina,
cchiù nun scinnunu.
A Novembri 'i mortuzzi si vannu a
circari,
e i picciriddi, cuntenti, cosi
duci sperunu 'i truvari.
'u primu vinu s'assaggia a S.
Martinu
e s'accumpagna all'ogghiu du
trappitu vicinu.
Dicembri arriva prestu purtannu la
so' granni festa,
nasci lu Bamminu 'nta 'na fridda
cesta,
un jornu dopu l'autru passa
l'ultima simana,
l’annu vecchiu finisci e chiddu
novu arriva
tra un bottu e n'auguriu pa' nostra
spittativa
EMMEPI
