Riflessione
Cuccatu vicinu unni batti ‘u mari
viu tanti belli culuri
supra ‘a marina sicca
senza cunfusioni
quasi pari ‘nù disertu,
ci sunnu ‘ddù caritteri
chi pigghiunu ‘a ‘rina e a ‘ghiara,
un vecchiu ‘cchu bancchittu pischa ,
e taliannulu ‘cchu l’occhi
fina unni codda,
viu ‘na gru
simbulu ‘ddù cimentu
e ‘ddù progressu speculativu;
‘e stù sapuri di culuri,
di siccu, di virdi,
di caritteri,
di barchi, di pischaturi,
svanisci
comu ‘nnu fogliu di carta ‘ittatu a mari,
‘stù ‘mari,
chi ‘stù pomeriggiu mummuria
vantannu ‘u so culuri doratu;
… ‘mà …
iddu non ‘sapi
chi forsi è l’ultimu "pezzu"
chi si vanta ‘dù ‘so splinduri
e che tra piccha mummurierà
picchì ‘u progressu
ci ‘darà un culuri niuru e lordu
‘ppi tutti ‘i porcherii cha ‘cci ‘jettunu ……
C. di O. 26 agosto 1971
