-
-
Ciaramiti cu Petri 'nsiccu
Mura
di petra ‘nsiccu sdirrupati,
‘ntè
rasuli su lenti ‘i rummuluna
e
pigghiunu pi jusu ‘ntè vadduna.
Ciuri
‘i ruseddi ‘ntè timpùna
di
filici, elichi e jnestri:
chianci,
struppuni, tirrazzu, cianci...
Ci
vonnu ciappi pi fari lu chianu,
petri
pi fari catinu.
Li
mastri persuru lu filu ‘i muratura,
nun
trovanu cchiù petra ch’incatina.
Si
sfarinau la rasagghia e piddu,
lu
taju si lavau du rupiddu.
S’infradiceru
li beddi supali,
fatti
di vinca, toppa e faddali,
cu
fazzulettu robbi e taraddi,
stinnuti
cu zappuni e cu li caddi.
E
s’allintaru li beddi suspiri
di
cu purtava tascapani e pisu,
cercannu
sulu lustru ‘i paradisu.
Si
sdirruparu li beddi casotti
fatti
di gessu e cauci viva
e
l’omini ca scurzetta sunnu morti
ch’avevunu
fami ‘i carina e mala sorti.
Cinniri
lassaru, sunnu morti,
e
nenti lassaru iddi a li patruna...
Quantu
sangu ‘mmiscatu
cu
lacrimi d’ogghiu,
chiantu
di genti chi non
campò
pi
sbagghiu,
chi
mancu ‘ntà lu feu visti lustru.
Strincennu
petri nun nesci sugu,
nasci
sapuni di ciaramiti amari.
Gioiosa
Marea ..... 07/02/2001
