Menzagustu
A Madonna di Capu r’Ollannu
supra na varca va' furriannu,
di San Grigoriu finu o Nittunu
guarda i divoti a unu a unu,
cu' di la spiaggia e cu' di la srata
tutti salutanu a 'mmaculata.
Accumpagnanu tanti varchi,
allistuti cu sciuri e cu ll'archi,
c'eni a banna musicali
e u cunzigghiu comunali.
E' lati lati du lungomari
tanti banchitti pi t'accattari
ciciri, favi, nuciddi atturrati
gazzusa frisca e coni ggelati.
Ci sunnu puru i marucchini
chi vinnunu aneddi e cullanini.
Tanti nisceru pi passiari
mentri cu suli si cala 'nno mari.
Gino Armeli
